turi-turian,,

ULTOP NISI JONAHA

Adong ma najolo sahalak ama parjuji langis, jala parjuji talu. pola do sude artana habis di jujihon, jala parutanganna mansai godang alani parjujiona, sijonaha do goarna. dinasahali adong di hutai sada ina nabaru tubuan, pintor jalo do lao si jonaha tusi maranggap, manang melek-melehan didok sonarion. disi pajumpang ma ibana dohot ama togos, bah nga dison hamu hape lae, ninna sijonaha dung diida ama togos disi. nungnga lae ninna ama togos,, toe baen salapak nai,, nga songon na tarpaima huida lae ama humirdop, ninna huhut dipahundul. ba tabaen lae ninna, ama togos.
lam bagas borngin lam bagas ma tongon hataluan ni si jonaha, nga sai humosing-hosing parhundulna ala dang boi dibuat hataluanna nantuari, ihut nii tahe, nungnga tong habis hepeng ni boan nai, di goit ma nanget, ama togos, huhut didok lae, pnjam jo borngin on, sgot hupaulak pe, ninna. ro ama togos ninna mangalusi ahh..ai dia do lae, sinabodari pe sodipaulak lae dope. baenma jo lae sogot hupaulak pe sude, ninna sijonaha. ba toe molo boti, alai inkon dipaulak lae do marsogot da,,ninna huhut dilehon.
goarna ma parjuji talu, agia sadia pe dipnjam nasai do tong habis. dung manogot nai mulak ma sijonaha tu bagasna, huhut sai dirimangi songon dia dalan unang pola dibayar ibana utangna nagodangi, tu ama togos.

dinasadarii dang ro ama togos, hape nungnga sai dipaima sijonaha, ibana lao paototonna rohana. huroha pintir modom do ama togos dung mulak manogot nai.

marsgot nai roma antong ama togos laho mambuat singir nai, hape topet dang dijabu sijonaha, alai anggo niolinai djabu do, bah ai didia halak lae ito, ninna manungkun sijonaha tu ripe nai,,aimada ito lao laemu mangultop, tu ramba poso an ninna mangalusi, aimada ito naadong hian sihataan nami ba marsgot ma au ro, alai paboa halak ito ma tu lae, ingkon adongdo sgot, nina huhut dinunut lao.
songoni ma agia sahat saminggu dang hea jumpa ama togos, sijonaha di bagasna, nungnga tung sun murukna tu sijonaha, ai nungnga, di etong ibana na manantang sijonaha tu ibana.
tongon marsogot nai, laho ama ama togos apala tibu tu bagas ni sijonaha, toho ma antong nungnga jumpa didalan nasida, dohot sijonaha, bah lae, nungnga saminggu sai hulului lae, molo songon do pangido nilae bah maradu mossak mahita, molo talu do au, ba lunas ma utang mi, molo lae talu bah dua hali lipat ma di bayar lae, ninna ama togos, dung pajumpang bohi nasida,. dialusi jonaha ma, bah lae, memang rencanaku nanaeng bayaronhu nama sudei, alai unang pola maradu mossak hita, hubayar pe lae, ninna mangalusi, ala diboto ibana dang tolapsa ama togos laho maradu mossak. bah songon dia, do bahenonnmu mambyar mlo dang ro au manogot on dang nalao jumpang ahu ho dijabu, ninna ama togos, huhut mardongan mohop ni ate-ate.
aimada lae, asa jolo mangan nian lae asa mulak ido umbaen na lao au mangultop jo tu ramba poso an, ninna mangalusi, ba molo songoni dohot ma au mangultop, ninna ama togos, ala mabiar ama togos laos so mulak be sijonaha. bah dengga lae, ninna sijonaha.
tutu rampak manasida laho mangultop. dung sahat nasida pintor diida si jonaha ma sada anduhur, nablon,, pintor hatop ma disurdukkon ultopna dompak anduhur i, jala didokma, habang maho tu pangalompaan ni dainang, alai dang nanggo dibaen sira ni ultop nai, jala dang diultophon.
dung i duuduti nasida mardalan jala molo jumpa nasida adong pidong, sai diulahi  si jonaha ma songoni, mansai longang ma antong ama togos, mida parulaan ni sijonahai,
bah nungnga male au lae, nungnga hira cukup ate, pidong na taultop i lae, ninna sijonaha. bah ai pidong dia, do maksudmu lae, ai soadong huida pidong na madabu diultop lae, ai apala sira ni ultop pe dang hea huida dibaen lae. ninna ama togos. bah ido lae, ia on ultop namarhasaktian doon, ndada pola pake sira on, holan di surdukhon dompak pidongi, torus didok habang maho tu pangalompaan nidainang. ba pintor habang doi tu jabu, tu pangalompaan ni dainang. ninna sijonaha, bah hebat nai, ninna rohani ama togos, hhut diihuthon sijonaha mulak.

toho ma antong dung sahat nasida tu bagas ni si jonaha, nungnga sae, bee ripe nai marlompa, nungnga rade dibaen sipanganoni dohot lompan pidong, naniultop nai, ai piga do nangkin inang pidong na roi, ninna sijonaha manungkun parsinonduk nai, aima da amang adong nangkin 5 ambaroba, 3 anduhur, dohot 4 lote ninna mangalusi, ba mangan ma hamu. ninna huhut dihobasi. dibereng ama togos ma tutu nungnga rade dilompa ripe nisi jonaha, pidongi, bah ai tutu do hape ninna rohana.
dung simpul nasida mangan, disuru sijonaha ma ripe nai, laho mambuat hepeng laho mambayar utang nai, alai ama togos, nungnga sai tu ultop i rohana, boha songonon mai lae, ultop munai ma diahu, hutambahi pe muse, 50 rupia nari, ninna ala nungnga sai solo rohana tu ultop na saktii,,daong lae, ia ultop pi, ultop nilean ni, simatuaku doi,molo utangku na 80 i, bayaronhu do sonari, ninna si jonaha, buat jo inang di hussanghi nungga hupolonhon nangkin nanaeng leanonhu tu lae on, ninna mrsuru niolinai. ba hutambai pe lae, hulean pe 100 nai, ninna ama togos, daong lae, dang tarpalua au i nina sijonaha alai dibagas rohana nungnga tu mansai las, ai boi dipaoto-oto ibana ama togos,150 ma mlo boti, nina  ama togos muse, bah lae, nian dang natarpalua au i, ai lean-lean ni simatuaku doi, ninna alai nungnga tung songoni, pangido nilae, ba dang denggan juaonku bei, ba sautma na nidokmi lae, ninna sijonaha. tung las ma antong rohani ama togos mamboan ultop nasaktin mulak, dang di pingkiri be arga niultop songoni, boi do 10 rupia, alai alani hasaktian nai, nungnga tung solo rohana. dung laho mulak si ama togos, didok sijonha ma muse, lae adong do subang ni ultop on,, ima tung naso jadi idaon ni lae masuk porhis tu ingananna, ninna.
dung mulak ama togos mengkel ma sijonaha, ai boi do masuk ulok nai,,lunas utang, dapot muse 150, dibaen ultop arga 10 rupia,, ai dang na toho, pidong na pinangan nasidai, ai anak ni manuk do disru sijonaha dilompa ripe nai...



bersambung............................

horasssss